ஊமை வலி........

கடிவாளத்தை இழுத்து குதிரையை நிறுத்துவதைப் போல என் வாகனத்தை மருத்துவமனை வளாகத்தில் நிறுத்தினேன்.  குதிரைப்பயணம்  போல குதித்தபடி  இரு சக்கர வாகனத்தில்  தினமும் வருவதே உடம்பை வருத்தும்  அசதியைத் தருகிறது...அன்று காலையிலேயே  மருத்துவமனைக்கு வந்திருந்த மக்கள் கூட்டம்  அதிகமாய் பெரிய வரிசையாய் நின்றிருந்தனர். அந்த கூட்டத்தை பார்த்தவுடன் என் உடல் வலி  என்னை பயமுறுத்திற்று. ஆனாலும் வேறு வழியில்லை... இன்று கர்பவதிகளுக்கான சிறப்புப் பரிசோதனையும், மருத்துவமும் நடைபெறும் நாள்.