காத்திருப்பு....

என் வீட்டுத் தோட்டத்தில்
ஆயிரமாய் ரோஜாக்கள்
வாசத்துடன் பூத்திருக்கின்றன...
மனசென்னவோ
நீ
காதலுடன் தரப் போகும்

ஒற்றை ரோஜாவுக்காக
காத்திருக்கிறது....!

எப்போதும் என்னைச்சுற்றி
இன்னிசை
ஒலித்துக் கொண்டிருக்கிறது..
என்றாலும்
நீ
சொல்லப் போகும்
நான் உன்னை காதலிக்கிறேன்
என்ற பாடலுக்காகத் தான்
காதுகள் தவமிருக்கிறது....!

எத்தனையோ பொழுதுகளில்
தென்றல் என்னை
தீண்டிச் செல்கிறது..
ஆனாலும்
உன் விரல்கள்
தீண்டும்
அந்த வினாடிக்காகவே
என் உணர்வுகள் விழித்திருக்கிறது....!

மௌனத்தைக் கூட
மொழிபெயர்க்கத் தெரிந்தவனே....
உன் பெயரையே
இதயத்தின் ஒலியாக்கிக் கொண்டு
காதலுடன் காத்திருக்கிறேன்...
நீ
காதல் உணரும் நாளுக்காக....!